عذاب أنسان
01-27-2005, 02:20 AM
* ينصح بقراءه الموضوع والسلك موب فيه <<--- يعني الاتصال مقطوع .والان مع الموضوع........
في يوم من ايام الشتاء الدافيه ولد البزر مرجوج في ولايه الشماسيه بالقصيم وترعرع كما يترعرع كل البزران
ولكنه كان متفردا عنهم بانه رومنسي من يوم هو بزر خخخخ وحصل علي الشهاه الابتدائيه في القصيم ثم هاجر الي مدينه الرياض واستقر بها الي وقت كتابه هذي السطور.
وحينما كان بالثانويه كان يرى في شوارع الرياض عباره مقهي انترنت ؟؟؟ ولكنه ما يدري وش السالفه فقرر
بكل حماس ان يجرب ما هو هذا الانترنت ودخل ويا ليته لم يدخل فطاح اول ما طاح ببرامج الشات
وكل يوم وهو قررق بالشات وخذ سوالف ومصاله دم ولكنه لاحظ ان الجميع في الشات ساحبين عليه سيفون الا وحده اسمها حصه السحليه ؟؟ فصار يكلمها واجد ويعطيها وجه واجد وهي ما ادري وش هي معجبه به
وفي يوم من الايام جاء ابليس لمرجوج علي هئيه ChatMastr
وقال لمرجوج يا هدر الي متي تبي تسولف مع البنت بالعام بس ؟؟
قلت له وش تبين اسوي يا شرير
قال خذها خاص معك قلت له ما اعرف يا اخي تهي
قال وش دعوا خابرك ذيب وطير حوران
انا يوم قالي طير حوران تحمست شوي صراحه
ورحت لها خاص وقلت لها اتحداتس تجين هنا <--- الله من زين التشبيك خخخخ
ويوم ورا يوم بالخاص وسواليف وسعه صدر بس جاء ابليس مرتن ثانيه وقال لي
يااخي الي متي وانت بالخاص معها شكل الخاص جاز لك
قلت ايه اكتب ولا يردون اللي بالعامه وش اكتب <<--- الله من الذهانه خخخ
قال يا اخي خذها مسنجر قلت له وشو المسنجر ؟؟
وقعد يشرح لي وشو المسنجر قلت له سو لي مسنجر انا ما اعرف
قال خلاص اسوي لك واعطيك الباسبورد بعد قلت له اوكي تم
وعطاني البريد واخذت البنت معي للمسنجر وكل يوم وانا هناك عندها خخخخ
وعلي هالحال شهر سواليف مسنجريه الي ان جاء هذاك اليوم ؟؟
وقلت يا ولد بتله يجي ابليس يعلمك وش تزين هالمره انا اللي بسنع اموري
المهم رقمت البنت وانتظرت انها تتصل علي وهاك اليوم سهران ولابس فنيله علاقي وقاعد اترقب تحركات القمر ودق جوالي وارد واقول من معي ؟؟
ويجين هاك الصوت اللي قمزت من السطح للحوش يوم سمعته
صوت صز موب صوت تماسيح كذب خخخخخخخخ
المهم وصارت كل يوم تكلمني واكلمها بالليل والنهار بالماسنجر حنا
لمين طلبت منها تكز لي صورتها في بادئ الامر رفضت بس مع المحاوله وافقت
كزت لي صورتها
انا اول ما شفت الصوره اجيك كامخ علي الكيبورد من الدهشه
http://www.2s2s.com/alboom/data/media/9/kebord.jpg
عقبها قعدت اسعبل علي الكيبورد ثلاث اشهر بلياليها
وعقبها اي شي تطلبه البنت انا حاضر بطاقه شحن رايحه وبطاقه جايه وهذا شحن اول نت وهذاك جيل
ويا ولد انا ماشي وراها ورايحن معها كشنه بدون بصل
االمهم علي هالحاله لمين قررنا ذاك اليوم نقابل بعض ؟؟؟؟؟
اواعدتها انا بسوق الزل يوم رحت هناك ودقيت عليها واقابلها في ممر من ممرات السوق الخلفيه خخخ
واقولها بالخير يا زين الخشوف وانا مستحي طبعا وقالت لي هلا حبيبي يوم قالت حبيبي وانا اللي يجين مغص بالبطن قالت لي حبي قلي نكته
قلت لازم قالت ايه
قلت يقولك شي اسود فوق الجدار يقول ميو وشو قالت اكيد بس (قطو) لونه اسود قلت لا هذا غراب مسوي دلخ خخخخخخخخ
يوم تضحك هاك الضحك اللي مدري وش يبي خهخهخهخهخه <<-- هذا ضحك هع
االمهم قلت لها (وبكل دهاء ولعانه ) حبيبتي ممكن بووسه ؟؟
قالت وشو وش قلت ؟؟ (وتناظرني وعيناها مفتوحتان علي الاخر من العصبيه )
قلت لا ابد بس ابروح اشري كووسه <<--- صرفها علي طول قالت ايه اشوا كاني سمعت كلام ثاني قلت
لا لا ثاني ولا ال خليفه المهم قررنا انهاء اللقاء بس قبل ما انهي اللقاء قلت لها يعني ولا يمدين ولا حتي احب راسك ؟؟ قالت اذا تبيني تعال اخطبني من ابوي قلت هلا والله نخطب نخطب موب مشكله
علي هذيك الصوره.
عاد وانا راجع للبيت صراحه شكيت في حبها لي عشانها ما عطتني بوسه وسويت زي الغوريلا اللي كان مشبك له غوريله بس جحدته البنت عشان عيون اسد خخخ
ورحت للبيت في تمام الساعه 2 فجراً دخلت الصاله اثر ابوي قاعد بالصاله ويوم شافني قال هلا هلا
اانا حسيت ان فيه شي موب طبيعي خخخ ؛
قالي وينك فيه يا الهيس الاربد قلت له يا شاكوش قريح لا تقول الهيس الاربد لا ارض بك بالارض <<- مخربها
ايوم سمع اللي قلته وقف علي حيله وقدر المساحه اللي بيني وبينه ثمن القي نظره علي ساحه المعركه قصدي الصاله وما دريت الا مجله سيدتي مسويه استفهام بخشتي ومسطت علي الارض عقبها ومسكت بغلاف المجله وقلت لابوي هين تقراء مجله سيدتي والله لا اعلم امي ؛
اابوي تدراك الموقف وعرف انه في ورطه وقالي تعال حبيبي انا كنت امزح معك وش فيك انت قلت
ايه اشوا وقلت له يبه ابيك في موضوع قال خله باتسر الصباح رباح ؛
ويوم اصبحت اجي واحب راسه واقوله هاه اكلمك بالموضوع والا لا قالي قل وش تبي
قلت الله يسلمك انا ودي اعرس وابيك تخطب لي قال انت اللي تبي تعرس قلت لا انت ايه انا اجل منهو
قال ودي اعرس بس تعرف امك بالمطبخ الحين والا تسان خربتها
قلت ما علي منكم انت وامي قلعتكم اهم شي انا ومير يصكن بريموت التلفزيون ؛؛
قال منهي البنت قلت ما عليك اعرفها واعرف بيتهم قال خلاص خل امك تتصل عليهم وتحدد لنا موعد
قلت اوكي موب مشكله وانا خشتي كبر الزاويه المنفرجه من الوناسه وتتصل امي عليهم ونحدد موعد
وقال ابوي خلاص بعد العشاء حنا عندهم بس انت رح تجهز وتروش عشان تجهز قلت طيب
واروح استحم عاد لي كم شهر ما تروشت صايرن تسني قطو من قطاوه البطحاء طاح بامريكان من حي السفارات خخخ
واروح اطق لي ذيك الشخصيه يا ربيه يا حبني لي بس خخخ
http://www.rayig.com/picture/funnypic1/picture/b1_copy.jpg
ونروح للبيت وطقينا علي بيت ابو حصه وفتح لنا ورحب بنا ودخلنا المجلس واول ما دخلنا المجلس
جيت انا وبكل حماس فاصخ الشماغ واحلت شماغي عند رجلين ابو حصه
واقوله ناخيك ناخيك يا ابن الاجواد عاد ابوي يناظرن يتعجب وقالي وش تبي يا وليدي قلت ابد
مسوي علوم رجاجيل قالي طيب كل تراب واقعد قلت سم ابشر تهي؛
ويوم صب ولد ابو حصه لنا القهوه مسكت فنجالي وقلت يا ابو حصه مانيب شارب قهوتك لمين
تلبي طلبي عاد ابو هالمره صكني بالفنجال وقال ما ودك تنثبر وتخلين اتكلم مع الرجال قلت سم
ا ابشر يبه ؛؛
االمهم قال ابوي حنا خاطبين يد بنتك حصه لولدنا الثور هذا وقال يصير خير خلون اسال الولد شوي بس
ويقولي كم سؤال وقالي انت وين متوظف فيه يا ولدي قلت له ما فيه خيارات يا عمي <<-- رايق ذاك اليوم
االمهم ويسالن ويقول عساك منت تدخن بس قلت لا ابد بس مدمن انترنت ويمسك راسه ابو البنت
ويقول مدمن لا حول ولا قوه الا بالله وقعدت ربع ساعه افهمه وشو الانترنت لمين اقتنع
وقلت له احمد ربك مدمن انترنت ولا شي ثاني واغمز له بعيني <<-- مسوي يمون علي ابو حصه
قال خلاص تعالوا بعد اسبوع ويصير خير .
ا
ورجعنا لهم بعد اسبوع وقال مبروك قلت يعني وشو <<--- ما استوعب
قال البنت موافقه عليك بغيت اقوله بقلبي ايه داري قبلك خخخخ
وقلت عاد لي شرط قال وشو قلت اشوف البنت رؤيه شرعيه قال ابوي لابو البنت الظاهر ولدي
ما طلب الا حقه قال ابو حصه الله الله هذاني بنادي البنت وقال تعال يا ابومرجوج معي عشان البنت تدخل عليه
انا قلت لابوي وين بدري يا ابو الشباب قال بخليك تشوف البنت قلت له اقعد معي يا شين قال وش اللي اقعد معك انا اللي ابعرس والا انت قلت له نعرس عليها سوا بس اقعد ( كنت مظطرب ذاك اليوم ) قال اها بس اقعد شفها لحالك وانت ما تشوف الجاده قلت سم ابشر ؛
وبعد شوي يجي ابو البنت قال الحين تبي تجي حصه ومير يرتز ابو البنت قدامي وقلت له الحين انت وراه
ما تطلع مع الشايب برى يا جليل الحياء خلن اقعد مع البنت لحالي <<-- ناوي يبوسها غصب
قالي لا لازم اقعد معكم وهذا الشرع قلت خلاص طيب.
وشوي وتدخل بنت معها صحن فيه كاسين فنتو
وعطتني الكاس وهي تضحك لي قلت بنفسي وش تبي هالشغاله قلت لابو حصه عجل خل البنت تجي يا ا ابن الحلال ترا مستعجل ومير تنطق البنت وتقول هلا والله بمرجوج؟؟؟؟؟؟؟؟
قلت يا ولد صوت الشغاله موب غريب علي واتذكر وابحث بذاكرتي قلت بس هذا صوت حصه يخرب بيتها
وقمت وانا في قمه العصبيه ومسكت حصه مع تلابيبها ونهرتها الي نهره قويه وقلت لها
وين الصوره اللي انتي مرسلتها لي كنك قمر 14 قالت حبي اهم شي جمال الاخلاق موب جمال الشكل
قلت اها بس وامسك الباب واثر بالحوش ابوي يسولف مع اخو حصه وشافني طالع وانا معصب ويقول لي
وش فيك يا ولدي عاد انا معصب قلت له كل تراب وامش وراي
يوم قلت له هالكلمه ما دريت الا وهو خاقلن ذيك الخقله يا ساتر بس
http://www.rayig.com/picture/funnypic1/picture/014_copy.jpg
وتلاحظون بالصوره اني موب اصيح بس اتباكي تهي تهي عاد الخقله كانت في حوش بيت ابو حصه ما دريت الا وانا فوق هام السحب والكل يناظر فيني وانا مخقول
المهم اني ما وقفت الا بكوره الفيصليه وخريت صريعا ويغمي علي وما حسيت الا
؟؟
؟؟
وامي تقولي قم يا الهيس الاربد صل الفجر واقوم واناظر حولي واتاكد اثر كل اللي قبل شوي حلم
واقول الحمد لله انه حلم وحالف حلف ما اشبك بنت بالانترنت عقبها ابد خخ.
واتمني القصه جازت لكم وصراحه تعبت في كتابتها اتمني انها لامست جزء من رضاكم
تحياتي
اخوكم
سلطان
عذاب انسان
في يوم من ايام الشتاء الدافيه ولد البزر مرجوج في ولايه الشماسيه بالقصيم وترعرع كما يترعرع كل البزران
ولكنه كان متفردا عنهم بانه رومنسي من يوم هو بزر خخخخ وحصل علي الشهاه الابتدائيه في القصيم ثم هاجر الي مدينه الرياض واستقر بها الي وقت كتابه هذي السطور.
وحينما كان بالثانويه كان يرى في شوارع الرياض عباره مقهي انترنت ؟؟؟ ولكنه ما يدري وش السالفه فقرر
بكل حماس ان يجرب ما هو هذا الانترنت ودخل ويا ليته لم يدخل فطاح اول ما طاح ببرامج الشات
وكل يوم وهو قررق بالشات وخذ سوالف ومصاله دم ولكنه لاحظ ان الجميع في الشات ساحبين عليه سيفون الا وحده اسمها حصه السحليه ؟؟ فصار يكلمها واجد ويعطيها وجه واجد وهي ما ادري وش هي معجبه به
وفي يوم من الايام جاء ابليس لمرجوج علي هئيه ChatMastr
وقال لمرجوج يا هدر الي متي تبي تسولف مع البنت بالعام بس ؟؟
قلت له وش تبين اسوي يا شرير
قال خذها خاص معك قلت له ما اعرف يا اخي تهي
قال وش دعوا خابرك ذيب وطير حوران
انا يوم قالي طير حوران تحمست شوي صراحه
ورحت لها خاص وقلت لها اتحداتس تجين هنا <--- الله من زين التشبيك خخخخ
ويوم ورا يوم بالخاص وسواليف وسعه صدر بس جاء ابليس مرتن ثانيه وقال لي
يااخي الي متي وانت بالخاص معها شكل الخاص جاز لك
قلت ايه اكتب ولا يردون اللي بالعامه وش اكتب <<--- الله من الذهانه خخخ
قال يا اخي خذها مسنجر قلت له وشو المسنجر ؟؟
وقعد يشرح لي وشو المسنجر قلت له سو لي مسنجر انا ما اعرف
قال خلاص اسوي لك واعطيك الباسبورد بعد قلت له اوكي تم
وعطاني البريد واخذت البنت معي للمسنجر وكل يوم وانا هناك عندها خخخخ
وعلي هالحال شهر سواليف مسنجريه الي ان جاء هذاك اليوم ؟؟
وقلت يا ولد بتله يجي ابليس يعلمك وش تزين هالمره انا اللي بسنع اموري
المهم رقمت البنت وانتظرت انها تتصل علي وهاك اليوم سهران ولابس فنيله علاقي وقاعد اترقب تحركات القمر ودق جوالي وارد واقول من معي ؟؟
ويجين هاك الصوت اللي قمزت من السطح للحوش يوم سمعته
صوت صز موب صوت تماسيح كذب خخخخخخخخ
المهم وصارت كل يوم تكلمني واكلمها بالليل والنهار بالماسنجر حنا
لمين طلبت منها تكز لي صورتها في بادئ الامر رفضت بس مع المحاوله وافقت
كزت لي صورتها
انا اول ما شفت الصوره اجيك كامخ علي الكيبورد من الدهشه
http://www.2s2s.com/alboom/data/media/9/kebord.jpg
عقبها قعدت اسعبل علي الكيبورد ثلاث اشهر بلياليها
وعقبها اي شي تطلبه البنت انا حاضر بطاقه شحن رايحه وبطاقه جايه وهذا شحن اول نت وهذاك جيل
ويا ولد انا ماشي وراها ورايحن معها كشنه بدون بصل
االمهم علي هالحاله لمين قررنا ذاك اليوم نقابل بعض ؟؟؟؟؟
اواعدتها انا بسوق الزل يوم رحت هناك ودقيت عليها واقابلها في ممر من ممرات السوق الخلفيه خخخ
واقولها بالخير يا زين الخشوف وانا مستحي طبعا وقالت لي هلا حبيبي يوم قالت حبيبي وانا اللي يجين مغص بالبطن قالت لي حبي قلي نكته
قلت لازم قالت ايه
قلت يقولك شي اسود فوق الجدار يقول ميو وشو قالت اكيد بس (قطو) لونه اسود قلت لا هذا غراب مسوي دلخ خخخخخخخخ
يوم تضحك هاك الضحك اللي مدري وش يبي خهخهخهخهخه <<-- هذا ضحك هع
االمهم قلت لها (وبكل دهاء ولعانه ) حبيبتي ممكن بووسه ؟؟
قالت وشو وش قلت ؟؟ (وتناظرني وعيناها مفتوحتان علي الاخر من العصبيه )
قلت لا ابد بس ابروح اشري كووسه <<--- صرفها علي طول قالت ايه اشوا كاني سمعت كلام ثاني قلت
لا لا ثاني ولا ال خليفه المهم قررنا انهاء اللقاء بس قبل ما انهي اللقاء قلت لها يعني ولا يمدين ولا حتي احب راسك ؟؟ قالت اذا تبيني تعال اخطبني من ابوي قلت هلا والله نخطب نخطب موب مشكله
علي هذيك الصوره.
عاد وانا راجع للبيت صراحه شكيت في حبها لي عشانها ما عطتني بوسه وسويت زي الغوريلا اللي كان مشبك له غوريله بس جحدته البنت عشان عيون اسد خخخ
ورحت للبيت في تمام الساعه 2 فجراً دخلت الصاله اثر ابوي قاعد بالصاله ويوم شافني قال هلا هلا
اانا حسيت ان فيه شي موب طبيعي خخخ ؛
قالي وينك فيه يا الهيس الاربد قلت له يا شاكوش قريح لا تقول الهيس الاربد لا ارض بك بالارض <<- مخربها
ايوم سمع اللي قلته وقف علي حيله وقدر المساحه اللي بيني وبينه ثمن القي نظره علي ساحه المعركه قصدي الصاله وما دريت الا مجله سيدتي مسويه استفهام بخشتي ومسطت علي الارض عقبها ومسكت بغلاف المجله وقلت لابوي هين تقراء مجله سيدتي والله لا اعلم امي ؛
اابوي تدراك الموقف وعرف انه في ورطه وقالي تعال حبيبي انا كنت امزح معك وش فيك انت قلت
ايه اشوا وقلت له يبه ابيك في موضوع قال خله باتسر الصباح رباح ؛
ويوم اصبحت اجي واحب راسه واقوله هاه اكلمك بالموضوع والا لا قالي قل وش تبي
قلت الله يسلمك انا ودي اعرس وابيك تخطب لي قال انت اللي تبي تعرس قلت لا انت ايه انا اجل منهو
قال ودي اعرس بس تعرف امك بالمطبخ الحين والا تسان خربتها
قلت ما علي منكم انت وامي قلعتكم اهم شي انا ومير يصكن بريموت التلفزيون ؛؛
قال منهي البنت قلت ما عليك اعرفها واعرف بيتهم قال خلاص خل امك تتصل عليهم وتحدد لنا موعد
قلت اوكي موب مشكله وانا خشتي كبر الزاويه المنفرجه من الوناسه وتتصل امي عليهم ونحدد موعد
وقال ابوي خلاص بعد العشاء حنا عندهم بس انت رح تجهز وتروش عشان تجهز قلت طيب
واروح استحم عاد لي كم شهر ما تروشت صايرن تسني قطو من قطاوه البطحاء طاح بامريكان من حي السفارات خخخ
واروح اطق لي ذيك الشخصيه يا ربيه يا حبني لي بس خخخ
http://www.rayig.com/picture/funnypic1/picture/b1_copy.jpg
ونروح للبيت وطقينا علي بيت ابو حصه وفتح لنا ورحب بنا ودخلنا المجلس واول ما دخلنا المجلس
جيت انا وبكل حماس فاصخ الشماغ واحلت شماغي عند رجلين ابو حصه
واقوله ناخيك ناخيك يا ابن الاجواد عاد ابوي يناظرن يتعجب وقالي وش تبي يا وليدي قلت ابد
مسوي علوم رجاجيل قالي طيب كل تراب واقعد قلت سم ابشر تهي؛
ويوم صب ولد ابو حصه لنا القهوه مسكت فنجالي وقلت يا ابو حصه مانيب شارب قهوتك لمين
تلبي طلبي عاد ابو هالمره صكني بالفنجال وقال ما ودك تنثبر وتخلين اتكلم مع الرجال قلت سم
ا ابشر يبه ؛؛
االمهم قال ابوي حنا خاطبين يد بنتك حصه لولدنا الثور هذا وقال يصير خير خلون اسال الولد شوي بس
ويقولي كم سؤال وقالي انت وين متوظف فيه يا ولدي قلت له ما فيه خيارات يا عمي <<-- رايق ذاك اليوم
االمهم ويسالن ويقول عساك منت تدخن بس قلت لا ابد بس مدمن انترنت ويمسك راسه ابو البنت
ويقول مدمن لا حول ولا قوه الا بالله وقعدت ربع ساعه افهمه وشو الانترنت لمين اقتنع
وقلت له احمد ربك مدمن انترنت ولا شي ثاني واغمز له بعيني <<-- مسوي يمون علي ابو حصه
قال خلاص تعالوا بعد اسبوع ويصير خير .
ا
ورجعنا لهم بعد اسبوع وقال مبروك قلت يعني وشو <<--- ما استوعب
قال البنت موافقه عليك بغيت اقوله بقلبي ايه داري قبلك خخخخ
وقلت عاد لي شرط قال وشو قلت اشوف البنت رؤيه شرعيه قال ابوي لابو البنت الظاهر ولدي
ما طلب الا حقه قال ابو حصه الله الله هذاني بنادي البنت وقال تعال يا ابومرجوج معي عشان البنت تدخل عليه
انا قلت لابوي وين بدري يا ابو الشباب قال بخليك تشوف البنت قلت له اقعد معي يا شين قال وش اللي اقعد معك انا اللي ابعرس والا انت قلت له نعرس عليها سوا بس اقعد ( كنت مظطرب ذاك اليوم ) قال اها بس اقعد شفها لحالك وانت ما تشوف الجاده قلت سم ابشر ؛
وبعد شوي يجي ابو البنت قال الحين تبي تجي حصه ومير يرتز ابو البنت قدامي وقلت له الحين انت وراه
ما تطلع مع الشايب برى يا جليل الحياء خلن اقعد مع البنت لحالي <<-- ناوي يبوسها غصب
قالي لا لازم اقعد معكم وهذا الشرع قلت خلاص طيب.
وشوي وتدخل بنت معها صحن فيه كاسين فنتو
وعطتني الكاس وهي تضحك لي قلت بنفسي وش تبي هالشغاله قلت لابو حصه عجل خل البنت تجي يا ا ابن الحلال ترا مستعجل ومير تنطق البنت وتقول هلا والله بمرجوج؟؟؟؟؟؟؟؟
قلت يا ولد صوت الشغاله موب غريب علي واتذكر وابحث بذاكرتي قلت بس هذا صوت حصه يخرب بيتها
وقمت وانا في قمه العصبيه ومسكت حصه مع تلابيبها ونهرتها الي نهره قويه وقلت لها
وين الصوره اللي انتي مرسلتها لي كنك قمر 14 قالت حبي اهم شي جمال الاخلاق موب جمال الشكل
قلت اها بس وامسك الباب واثر بالحوش ابوي يسولف مع اخو حصه وشافني طالع وانا معصب ويقول لي
وش فيك يا ولدي عاد انا معصب قلت له كل تراب وامش وراي
يوم قلت له هالكلمه ما دريت الا وهو خاقلن ذيك الخقله يا ساتر بس
http://www.rayig.com/picture/funnypic1/picture/014_copy.jpg
وتلاحظون بالصوره اني موب اصيح بس اتباكي تهي تهي عاد الخقله كانت في حوش بيت ابو حصه ما دريت الا وانا فوق هام السحب والكل يناظر فيني وانا مخقول
المهم اني ما وقفت الا بكوره الفيصليه وخريت صريعا ويغمي علي وما حسيت الا
؟؟
؟؟
وامي تقولي قم يا الهيس الاربد صل الفجر واقوم واناظر حولي واتاكد اثر كل اللي قبل شوي حلم
واقول الحمد لله انه حلم وحالف حلف ما اشبك بنت بالانترنت عقبها ابد خخ.
واتمني القصه جازت لكم وصراحه تعبت في كتابتها اتمني انها لامست جزء من رضاكم
تحياتي
اخوكم
سلطان
عذاب انسان