المساعد الشخصي الرقمي

مشاهدة النسخة كاملة : لغز معقد ؟؟

AL_3JMI
05-27-2005, 04:18 AM
السلام عليكم

انا دزلي واحد لغز قعدت اسبوع ماحليته

لدرجه انه قام يتشمت فيني :)

وابي اعرضه عليكم اي واحد يعرف حله لايبخل علي فيه :)

ابنشدك عن تسع وثلاثين شيطان\\تقابلو في ريع راس الندامه

لاهم بني ادم ولاهم من الجان\\رجال عرف وشيخهم به غشامه

سخرهم الله له وله بينهم شان\\شيخٍ على عرشه وصاحب زعامه



اتمنى تقدرون تحلونه :)
&الجـــــوري&
05-27-2005, 04:24 AM
اهىء اهىء

صعب وااااااااااايد

ياليت لو اقدر اعرف احله
ماعاش من يتشمت فيك اخوي العجمي (:

باقول لكل اللي اعرفهم هاللغز
لعل وعسى القى اللي يحله

دمت بالف خير

الجــــــــوري......
عظيم الشوق
05-27-2005, 05:50 PM
والله دخت بصراحه

طيب اسأل هو يتعلق بشي موجود في اللإنسان

يمكن التنكه اللي براسي تشتغل واجيب الحل

ههههههههههههههههههههههههه
السنيوره
05-28-2005, 03:43 AM
والله من جد انا كنت مسويه ذكيه بس للاسف انا راح احاول ادور الحل وان شاالله خير بس من جد لغز تعجيزي
الراسى
06-01-2005, 06:10 AM
اخوي العجمي حل الغز والله اعلم انه ( الـــــــــــــــــــــــفــــــــــــــــــــــم. )

تسع وثلاثين شيطان هم الاسنان ست وثلاثون سن والشفتين ثمانيه وثلاثون واللسان تسع وثلاثون.

سخرهم الله للعبد لتهليل والتسبيح والنطق ومن صان لسانه هو الشيخ.

مع تحياتي اخوك الراسي ..
AL_3JMI
06-09-2005, 12:28 AM
الراسي لاهنت اخوي

الظاهر ان رمعتك طيبه

اتمنى يكون هذا الحل :)
الراسى
06-10-2005, 12:35 AM
مساء الخير اخوي العجمي من طول الغيبات جاب الغنايم

فقدناك يالغالي الي مثلك وشرواك له مكانه الحمدالله على السلامه.

الحل هو ميه في الميه ثق في خوك يوجه محلف.

مع تحيات اخوكم
الــــــــــــراســـي
AL_3JMI
06-10-2005, 01:04 AM
لاهنت لاهنت

الله لايهينك

والله يسلمك والغنايم شوفتكم

بس السفر خذانا وهذا انا اعود كما عهدتوني :)