همس وضحك عشاق

[مزحلق بالهوى]

السلام عليكم ورحمة الله وبركاته

صراحه اعجبتني خاطره وحبيت تشوفونها وان شاءالله تعجبكم

بسم الله الرحمن الرحيم

********************************************************************................ .......................

الليل ..

سحر ٍ عجيب

قصايد فرح

وأشواق ..

همس وضحك عشاق ..

والليل ..

وجه كئيب

يحكي عن هموم وأسى ..

قلب نزف

نبض وقف

وجروح في كف الزمن...

خل وفي ..

وخل ٍ نسى ..

ولحظات ما ترجع أبد ... لكنها ما تنتسى ابد

ياليل يا بسمة لقا

ودمعة شقا ..

وعيون حارت في بهاك

تظنها توصل الى آخر مداك ؟؟

وعيون تشكي للقمر ..

تطلب من النجمة حلول

ترجي من الغيمة هطول

تكتب بألوان العتام ..

اغرب حكايات الغرام ..

أنت ..

عند بعض البشــر ..

تطيب هالسهرة معاك ..

في حضرتك يحلى الكلام

وأنت ..

عند بعض البشــر ..

يخشون بس لحظة لقاك ..

يريبهم هذا الظلام ..

ما يامنونك

ولا يبونك ..

والمستحيل

يبادرونك بالسلام ..

يا ليل ..

احترنا معاك

انت الصديق

وانت العدو ..

مرة نبيك

ومرات نعافك ..

الى متى نبقى نخافك ؟؟

متى تبدل ثياب الحزن ؟؟

وتلبس ثياب ٍ جداد

وتفارق ألوان الحداد ..

وتصير واضح للجميع

تحياتي لكم

[نزف الجرح]

تسلم يدينك يارب
ويسلم لنا هالذوق

http://hawaaworld.net/files/23270/f29.gif

[زاد الورق]

مشاركه حلوه

تسلم اخوي

بس بسال هي لك

او انت ناقلها

اذا كنت ناقله اكتب تحتها منقول

حفاظا اخي على حقوق صاحبها

اما اذا كانت لك فـ هي جميله ومعبره


دمت بهذا التواصل

اخوك الصغير

زاد الورق

[مزحلق بالهوى]

ياهلا ومرحبا نزف الجرح


انتي الذووق يالغلا :a10:

تسلمين على مرورك وردك

تحياتي لك

[مزحلق بالهوى]

هلا ومرحبا اخوي زاد الورق

الاجمل يالغالي هو مرورك على الخاطره

وبالنسبه للكلمات ماهي لي والله

منقووول

وانا اكتب شعر ماكتب خواطر يالغلا

تسلم يالغلا ويعطيك الف عافيه على مرورك وردك


تحياتي لك

[زاد الورق]

وين الشعر ماشوفه


تكفى قصيده

اخوي

مزحلق بالهوى ولا علمت عليك هههههههههههههههه


اخوك زاد الورق

[مزحلق بالهوى]

ههههههههههههههههههه

ابشر بالخير يالغلا

بس والله ماكتبت كثير

يعني ماكثر انا او ماطول بالقصيده يالغالي

يعطيك الف عافيه وان شاءالله راح انزل اللي اقدر عليه

تحياتي لك